Interbiyo sa tulo ka tawo bahin sa mga Presidente sa Pilipinas

Interbiyo sa guwardiya:

Visit URL: http://imhannah.multiply.com/music

Refer to Rec 15

Walay mapili ang usa ka Security Guard nga si Belendo Deceirdo sa mga presidente sama sauna ug sa pagkakaron. Ingun niya, ang ekonomiya sa Pilipinas mao ra gihapon og bisag kinsa pa ang mulingkod sa pwesto sa pagkapresidente, wala gihapoy kausaban. Nipuno pud siya nga ang mga pobre masgi unsaon pagpaningkamot, pobre lang gihapon samtang ang mga capitalista padayon gihapong mudato.


Interbiyo sa empleyado:

Visit URL: http://imhannah.multiply.com/music
Refer to Rec 16

Gidawat nalang ni Lucy Tomakin, usa ka empleyado sa usa ka companya diri sa Cebu ang bunga sa binuhatan sa mga presidente sama sauna ug sa karon. Wala man daw kausaban ang kahimtang ni Lucy Tomakin pero nakabantay siya nga galisod gyud ang ubang mga tawo labi na sa pagtaas sa presyo sa mga palitunon karon. Og nipuno siya nga dili kini sala tanan sa gobyerno og dapat kitang mga tawo kinahanglan pod muosab. Niingun siya nga dapat ilisan nato ang atong pamaagi sa panginabuhi og dili na mag-gastogasto. Sama niya nga usa lang ka empleyado, naningkamot siya og tarong aron mugaan ang iyang panginabuhi.


Interbiyo sa maestra:

Visit URL: http://imhannah.multiply.com/music
Refer to Rec 17

Wala matagbaw ang usa ka maestra sa STC nga si Desire Balota sa pagkapresidente ni Gloria Macapagal Arroyo. Ingun niya, ang mga dalangpan nato wala matarong og paggahin sa mas kinahanglanon sama sa edukasyon og pangempleyado. Ana si Desiree Balota nga ang badjet para sa mga importanteng buluhaton sa Pilipinas nabahin lang sa mga paglaag-laag sa mga gobyerno lakip sa mga laban ni Manny Pacquiao sa Las Vegas. Nipuno pud si Desiree Balota nga dili kinahanglan brayt ang presidente aron mabuhat ang iyahang trabaho og tarong. Nituo si Desiree nga ang kagamhanan sa usa ka presidente mao makita sa iyahang pasyon sa pagserbisyo sa mga katawhan.