Pinakauwahing Talaadlawan

Sa tinuod lang, gikapoyan gyud ko niining klaseha. Daghan ug project ug hasol pud ang mga buluhaton. Taga-semana mang-interview mi ug tawo ug magsuwat sa among talaadlawan. Kay ako usa ka tapulan nga estudyante, kapoyan gyud ko pero naningkamot ko nga trabahuon tanan kay nahibalo ko nga kinahanglan ni sa akong kaugmaon. Sama sa naglisod ko sa tulo ka buwan niining klaseha, aduna man pud koy daghan nga nakatonan. Nakataon ko bahin sa paginterbyu og pagbinisaya og tarong. Nakatonan pud nako angkinabuhi sa usa ka masscommunicator.

Sauna, gahuna-huna ra gyud ko nga ang masscom, madali-dali ra. Nga ang masscom, puro ra isturya og himo og balita. Pero nakabantay ko nga dili lalim kinig propesyona. Nanginahanglan pa diay ni nga mahimong hapsay ang pagbinisaya kay mao kini ang mahimong lingwahe nga ilitok dayon. Busa, napugos gyud ko ug katon sa lingwahe nga 18 na ka tuig nakong gilitok. Wala ko magtuo nga mulalom pa ang akong pagbinisaya. Pero nakaton ko ug karon mas tarong na ang akong pagbinisayaa. Sa tinuod, nangayo pa gani og tabang ang akong maguwang og translate sa iyang survey para sa ilang thesis. Diri gyud ko nalipay kay nagamit gyud ang akong pagkamasscom.

Karon nga nahuman na ang klase sa pagbinisaya, wala na ko nagbasol nga ningkuha ko niining kursoha. Diri ko nakaton pagayo bahin sa Sugbu ug sa kaanyag niini. Nakaton sab ko sa kanindot sa trabaho sa masscommunicator kay makaisturya ka sa daghan nga tawo. Nakaton pa gyud ko ug pagpangisturya og tarong sa mga Sugbuanon labi pa sa katong akong na-interview. Nakaton sab ko og "snow-balling" kung asa mao na kini ang akong gamiton aron makuha ang akong gusto nga tubag. Ug nakaton pud ko nga sa imong ma-interview, kinahanglan ikaw ang mu-adjust nila. Nga makita gyud ka ug paagi aron magkasinabtanay mo aron ang kamatooran mugawas . Busa, nagpasalamat ko sa tanan nga nahitabo nako niining klaseha.

Salamat sa tanan nga imong gipangtudlo sir! :)