Talaadlawan IV-Kulbaan man sab ko mam!

Sa akong mahinumduman, niadtong niaging semana, purti gyud nakong bisiha. Aduna koy mga buluhaton nga gihimo diri ug didto. Kauban diri ang paghimo sa akong brochure para sa akong science nga klase og ang paghimo og mubo nga isturya bahin sa kulba. Nakatawa nalang ko nga gahimo ko og isturya bahin sa kulba kay buot huna-hunaon, ang akong semana nahimong kulba pud.

Nakulbaan ko kung mahuman ba gyud nako ang akong buluhaton og nakulbaan pud ko kung masuko ang akong maestra sa science kay dugay na ko nihatag sa project. Dili man sa naglangay ko, pero wa ko kahibaw nga didto na diay nga adlaw ihatag og dili inig dayon finals pa. Nauwahi ko og pasa sa iya. Og balik sa akong kulba nga semana, tuod nakasaban gyud ko sa akong maestra. Ang iyang mata nisiga gyud og ang tono sa iyang tingog sa pagisturya sa ako, purting sukoa. Wala man pud koy mahimo kung dili musanong nalang sa iyang giisturya kay sayop man pud nako ngano wala ko nangutana sa uban.

Human ko nakapiso sa akong science nga maestra, wa man pud nuon ko kasab-i sa akong ingles nga maestra. Nakulbaan man ko kung makahatag pud ko sa iyang buluhaton og kung maturong ba nako kini og himo. Pero salamat sa Ginoo, nahimo pud nako og tarong ug sakto sa oras ang paghatag sa iya. Ang akong isturya nahimong nindot pa gyud. And iyahang hilom nga laraw mao bahin sa usa ka abogado nga natunga ang kasing-kasing para sa iyang kinabuhi og para sa iyahang gihigugma nga tawo. Wala man hinuon siya'y katapusan pa, pero natapos gyud ang akong usa ka kulba nga semana.