Talaadlawan V-Kaanyag sa San Remegio Beach Club

Nakaadto na ba ka sa San Remegio Beach Club? Kung wala pa, suroy na.

Dihang nakaabot ko sa North, ngadto sa San Remegio Beach Club, nakakita ko nga dili siya puti og balas og dili pud ingun ana ka nindot kaliguan ang dagat. Pero adunay usa ka lugar ang akong giganahan gyud ngadto og mao kato ang ilang diving shop.

Niadto mi sa San Remegio beach club kay giimbita mi sa tagiya aron tanawon ang pag-abli sa ilang bago nga tindahan, ang San Remegio Diving Center. Didto, gipakita ang mga maanindot ug mahalun nga gamit nga pangdiving. Human niandar ang akong pagkabusiness-minded og nahibulong ko ngano sa San Remegio man ang resort nga gitugkad sa tagiya. Tuod, layo kaayo ang San Remegio og kung ako ang turista, muadto nalang ko sa mactan nga dagat o sa Shangrila ba so lisod gyud mangita og customer sa layo nga lugar. Human ko naghuna-huna, gitubag dayon ang akong mga pangutana. Niisturya ang Instructor sa Diving Center og siya miingun nga wala sila nagtukod og diving center aron mangwarta lang. Nagtukod sila og diving center aron ang mapreserve nila ang dagat og ang kaanyag niini. Nanawag sila nga unta, daghan ang mainteresado sa diving aron makita gyud ang atong kaban sa dagat.

Gumikan ningisturya ang instructor nga usa ka Italyano ug gwapo nga lalake, nadani gyud ko sa ilang diving center. Nga tinuod, dapat nato hatagan og importansya ang atong dagat busa ato ning tanawon ang iyang kaanyag sa ilalom. Nadani pa gyud ko kay ang mutudlo sa maong diving center, kay katong Italyano nga gwapo..

Tuod, suportahan gyud nato ang atoang dagat kay mao kini ang nagpakaon sa ato og seafood. Busa, mang-iskwela na ta ug diving sa San Remegio Beach Club. :)